Connect with us

Спорт

Убедлив пораз за МЗТ Скопје Аеродром во второто коло од АБА лигата

Кошаркарите на македонскиот првак МЗТ Скопје Аеродром претрпеа пораз на гостувањето кај ФМП во првиот натпревар од 2.коло од АБА лигата. ФМП славеше триумф со 100:72 (25:26; 26:18; 19:17 и 30:11).

По водството на МЗТ Скопје на крајот на првиот период на полувреме ФМП го презеде водството – 51:44.

Во вториот дел „металците“ постигнаа само 28 поени, а последната четвртина убедливо им припадна на домашните кошаркари кои само ја зголемуваа предноста.

Најефикасен на дуелот беше Александар Бурсаќ од ФМП со 17 поени, додека кај МЗТ Скопје најпрецизен беше Ерик Гарсија со 16 поени. Најдобар играч на дуелот беше Немања Ненадиќ со индекс – 20.

МЗТ Скопје Аеродром по две одиграни кола има една победа и еден пораз, а по денешниот триумф истиот скор го има и ФМП.

Другите дуели од оваа рунда се играат утре и задутре, додека МЗТ Скопје во 3.коло е домаќин на екипата на Задар на 9.октомври (понеделник).

Click to comment

Leave a Reply

Your email address will not be published. Required fields are marked *

Актуелно