Бочварски: Намалување на цената на водата и сметот за 10 отсто

Бочварски: Намалување на цената на водата и сметот за 10 отсто

Намалување на цената на водата за 10 проценти најави денеска кандидатот за градоначалник на СДСМ за општина Штип, Благој Бочварски.

Тој на прес-конференција рече дека новата локална власт предвидува мерки со кои ќе ги врати парите кон граѓаните, а една од нив е и мерката за намалување на цената на водата.

– Ќе имаме и намалување на сметките за смет за уште 10 проценти, ќе воведеме јавен градски превоз во нашиот град пред се за поодалечните населби како што се Три Чешми, Чардаклија, Караорман, Лакавица и останатите села со цел да го олесниме животот на граѓаните. За пензионерите ќе воведеме бесплатно еднаш неделно да одат на бања во Кежовица, истакна Бочварски.

Тој додаде дека ова се само дел од мерките коишто ќе ги преземе доколку стане градоначалник.