Поради изборите, пресудата за случајот „Дива Населба“ ќе биде објавена следниот месец

Поради изборите, пресудата за случајот „Дива Населба“ ќе биде објавена следниот месец

Пресудата за случајот „Дива Населба“, наместо во вторник, ќе биде објавена на 2 ноември, соопшти Основниот суд Скопје 1.

Од таму наведуваат дека одложувањето на пресудата е по барање на Министерството за внатрешни работи поради зголемен ангажман на полицијата поврзан со обезбедување на локалните избори.

„Денес во Основен суд Скопје 1 Скопје е пристигнато барање од МВР на РМ – Биро за јавна безбедност, во кое е наведено дека поради зголемен ангажман на МВР поврзан со обезбедување на локалните избори и обезбедување делегации од странство во Македонија, а при кои обезбедувања се ангажираат голем број полициски службеници, судските рочиште закажани за 17 и 19 октомври, на кои треба да се објават пресудите по овие предмети, да се одложат за друг термин по 1 ноември“, соопшти Судот.

Од таму одлучиле пресудата за случајот „Дива Населба“, наместо на 17 октомври, да биде соопштена на 2 ноември, а објавата на пресудата за обвинетиот Сулејман Осман кому му се суди исто така за кумановските настани, но во посебна постапка, наместо на 19, да биде на 3 ноември.