Вардар домаќин на Барселона во дербито на 5.коло

Вардар домаќин на Барселона во дербито на 5.коло

Ракометарите на Вардар денеска ќе се пресметаат со Барселона во дербито на петтото коло од Лигата на шампионите. Во Јане Сандански ќе се води битка за врвот на табелата во групата А.

Каталонскиот гигант, чија мрежа ја чува македонскиот голман Борко Ристовски доцна синоќа пристигнаа во Скопје и без да одржат тренинг ќе излезат на Мегдан денес од 17 и 30.

Ова ќе биде трета меѓусебна пресметка за неполни пет месеци, по полуфиналето во Келн и полуфиналето на Суперглоб. Првото го доби Вардар, а второто Барса.Сезонава во Лигата на шампионите и двете екипи остварија по три победи и по едно реми.