Пет лица повредени во напад со нож во Минхен

Пет лица повредени во напад со нож во Минхен

Пет лица се полесно повредени денеска во напад со нож на пет различни локации во јужниот германски град Минхен, соопшти германската полиција.

Напаѓачот избегал и во моментов во тек е потрага по него. Нападот се случил во центарот на градот, на плоштадот Розенхајмер. Мотивите за нападот засега не се познати.

Полицијата ги повика луѓето што живеат во близина на плоштадот да останат дома и го опиша напаѓачот како маж на возраст од околу 40 години. Тој избегал од местото на злосторството со црн велосипед.