Грчкиот суд ја прифати екстрадицијата на Грујевски и Бошковски

Судот во Грција донел решение со кое се прифаќа барањето на македонските власти за екстрадиција на бегалците Горан Грујевски и Никола Бошкоски, јавува Макфакс.

Адвокатот на Грујевски, Петар Василев, рече дека вложиле жалба до Врховниот суд кој треба да се произнесе за решението на првостепениот суд. Василев рече дека по барање на органите на прогонот, Грујевски е во екстрадициски притвор во Грција.