Бразил победник во групата „Е“, Србија си оди дома

Фото: Vox

Бразил е победник во групата „Е“ и се пласираше во елиминациската фаза на фудбалскиот Мундијалот во Русија, откако ја совлада Србија со 2:0 во последната средба од групната фаза.

„Селесао“ повторно не импресионираше со настапот, но генерално не требаше да чека до последен момент, за да стигне до успехот.

Паулињо го постигна првиот погодок на средбата во 36. минута и на тој начин даде предност на Бразилците, а во 67. минута Тиаго Силва со гол со глава го оформи крајниот резултат.

По овој натпревар Бразил е лидер со 7 поени, а Србите завршија како трети во групата со 3 поени и отпаѓаат од турнирот.