(ВИДЕО) Костадинов: Годините изолација, неизвестност и уназадување се зад нас

Македонија заврте нова, светла страница на иднината, на стабилноста, сигурноста и економскиот напредок. Со имплементација на Договорот од Преспа и државничката одлука на мнозинството пратеници за уставни измени, отворени се перспективите, во финална фаза се процесите до членството во НАТО и ЕУ, рече портпаролот на СДСМ, Костадин Костадинов.

Тој истакна дека Македонија станува 30 земја членка на НАТО Алијансата оваа година. Вели, по започнувањето на скрининг процесот, во оваа 2019 година се очекува и почеток на преговорите за членство во Европската Унија.

– Годините изолација, неизвестност и уназадување се зад нас. Македонија денес засилено граби кон интеграција во двата најмоќни светски сојузи, НАТО и ЕУ. 2019 година, освен година на интеграција, ќе биде и година на економски раст и повеќе пари кај граѓаните. За оваа година, предвидено е уште едно зголемување на минималната плата, што значи повеќе пари кај работниците, кај семејствата. Платите растат во сите секотори. Вработените во здравството, образованието, детската и социјална заштита, одбраната, судството, полицијата добиваат поголеми плати за 5 отсто, рече Костадинов на прес конференцијата.

Портпаролот на владејачката СДСМ додаде дека оваа година следува имплементација на уште една мерка, поврат на ДДВ од 15 отсто за купените производи или платените услуги, што според него, ќе обезбеди дополнителен годишен приход во секое семејство.

– Со реформираниот систем на социјална заштита, лицата приметли на социјална помош ќе добиваат и до 300 отсто зголемена социјална помош. Истовремено, се намалуваат трошоците на граѓаните за нотарски, адвокатски и извршителски трошоци. Како одговорна и државотворна партија, продолжуваме со спроведување на мерките што обезбедуваат напредок, интеграција, економски раст и повисок животен стандард за сите граѓани, рече портпаролот и пратеник на СДСМ Костадин Костадинов.