Ден

Владата својата редовна седница денеска ќе ја одржи во Охрид

Владата својата редовна 8-ма седница денеска ќе ја одржи во Охрид, како петта од серијата седници што се одржуваат во 10 региони во земјата. Централна точка на дневниот ред на оваа седница е информацијата за состојбите и извршените посети во општинитe Охрид, Струга, Ресен, Вевчани и Дебрца.

– Во рамките на оваа точка градоначалниците на овие општини ќе презентираат информации од интерес на граѓаните и ќе информираат за одредени прашања и проекти од плановите за работа на локалните заедници, и согласно тоа, на седницата ќе се дадат насоки за политики и одлуки за проекти кои можат да се реализираат во соработка меѓу локалната и централната власт, се вели во соопштението.

На седницата во Охрид ќе биде разгледаната и информацијата за присуството на Реактивната Мониторинг Мисија на УНЕСКО, како и информацијата за извршен инспекциски надзор на градби од прва категорија на подрачјето на општините Охрид и Струга и информацијата за превземените активности на овластените градежни инспектори за овие подрачја.

На оваа седница, амбасадорката на Република Хрватска Нивес Тигањ пред министрите на Владата ќе ја презентира Програмата и приоритетите на Хрватското претседателство со Советот на Европската Унија.

Во рамките на теренските активности што ќе ѝ претходат на седницата, премиерот Оливер Спасовски ќе направи увид со реконструкцијата и санацијата на колекторскиот систем и ќе ја посети фабриката ЛТХ Леарница Охрид. Покрај овие теренски активности, заедно со вицепремиерката Мила Царовска и министерот Елвир Хасан ќе ја посетат и фабриката Братство Инокс.

 

Можеби ќе ве интересира:

Почина 27 годишната родилка од Куманово заразена со коронавирус

Осумнаесет новозаболени од коронавирус, седум пациенти на механичка вентилација

ФОТО: Кафематот на зелениот кров во ГТЦ се користи и покрај забраната, искината лентата на ДПИ

Александар Тодески
×

Следете не