Ден

Европските лидери ја потврдија одлуката за почеток на преговори со С.Македонија

На редовниот самит на Европската Унија вечерва европските лидери ја потврдија одлуката за отворање на пристапните преговори со С. Македонија и Албанија.

Европските лидери состанокот го одржаа онлајн, а главна тема беше коронавирусот.

„Ги прифаќаме заклучоците на Советот од 25 март 2020 за проширувањето и процесот на асоцијација и стабилизација“, се вели во соопштението од денешниот самит на лидерите на ЕУ.

Веста ја потврди и Еврокомесарот за соседство и проширување Оливер Вархеји на Твитер, кој додаде дека ќе се почне со работата на преговарачката рамка, додека реформите во двете земји продолжуваат.

Премиерот на Хрватска, Андреј Пленковиќ која е претседавач со Советот на ЕУ вечерва на Твитер напиша дека се задоволни од потврдата за отворање на пристапните преговори со Северна Македонија и Албанија.

„Тоа покажува дека ЕУ останува насочена на своите приоритети во тешки околности“, сподели Пленковиќ.

Можеби ќе ве интересира:

ВИДЕО: Тринаесетти полициски час во Скопје

Александар Тодески

(ФОТО) Пожарникарите порачуваат: Седи дома

Бајратар: Лицата што останаа без работа да аплицираат за минимална помош

Александар Тодески
×

Следете не