Ден

Ердоган: „Договорот на векот“ за решавање на израелско-палестинскиот конфликт е всушност проект за окупација

Турскиот претседател Реџеп Таип Ердоган го нарече планот на американскиот претседател Доналд Трамп за решавање на палестинско-израелскиот конфликт, познат како „Договор на векот“, како проект на окупација.

„Планот на САД за решавање на блискоисточната криза не е проект за градење на мирот. Тоа е проект за окупација. Во последните неколку недели, администрацијата на САД го претстави планот како „Договор на векот“ и ние заземаме став за планот, што е всушност анексија. Ние му објавивме на целиот свет дека нема да го оставиме Ридот на храмовите на израелските окупатори “, рече Ердоган.

Планот предвидува создавање на држава Палестина и нејзина демилитаризација, додека Израел ќе ја задржи контролата врз истокот од реката Јордан и Ерусалим ќе остане нејзин неподелен главен град.

Кога станува збор за Русија, нејзината позиција е дека е подготвена да прифати план за решавање на палестинско-израелскиот конфликт што ќе биде прифатлив за обете страни, иако, според постојаниот претставник на Русија во Советот за безбедност на ООН, Василиј Небенза, „Договорот на векот“ на Трамп не може да ги задоволи сите учесници во процесот.

Во врска со ова, портпаролката на Министерството за надворешни работи, Марија Захарова во четвртокот рече дека Москва предлага да се одржи состанок на специјални претставници на „блискоисточната четворка“ – Обединетите нации, Европската унија, Русија и Америка.

Во исто време, палестинскиот амбасадор во Русија, Абдел Хафиз Нофал рече дека Палестина ќе се согласи на демилитаризација, како што е предвидено со „Договорот на векот“, само доколку се исполнат другите услови, вклучително и формирање на независна палестинска држава.

Можеби ќе ве интересира:

Вакцината за коронавирус ќе се дава во две дози, велат научниците

Александар Тодески

Минеаполис: Расформирање на полицијата – Се спрема нов модел на јавна безбедност

Александар Тодески

Тропската бура Кристобал ја погоди Луизијана

Александар Тодески
×

Следете не