Ден

За Мицкоски, позитивниот извештај за Македонија бил нереален

Лидерот на опозициската ВМРО-ДПМНЕ, Христијан Мицкоски на новинарско прашање вели дека неможел да се сложи со ниту еден дел од извештајот на Европската Комисија, освен во делот каде што пишува дека граѓаните заслужуваат да се отпочнат преговори со Европската Унија.

„Ставот на ВМРО-ДПМНЕ секогаш бил и ќе биде дека ние заслужуваме да бидеме дел од Европската Унија. Она што е важно е ние како држава и народ да го добиеме тој датум за преговори. Јас го прочитав последниот скратен извештај испорачан од канцеларијата на ЕУ од нашата држава до Брисел и единствено нешто со што можам да се сложам со тој извештај е делот во којшто се бара да се почне тој процес. Тој извештај ни од далеку ни од блиску не ја отсликува реалноста“, рече Мицкоски.

Според него, едниствената реалност била тоа што народот, односно граѓаните заслужувале почеток на преговори со Европската Унија, додека пак се друго напишано во извештајот било далеку од реалноста.

Инаку во извештајот е напишано дека се исполнети сите услови и реформски процеси за Северна Македонија конечно да добие датум за преговори со Европската Унија.

Можеби ќе ве интересира:

Осуммина починати, 136 нови потврдени случаи на заразени со коронавирус

Малолетник прободен кај Зелен пазар во Скопје

Лични карти и пасоши во Скопје ќе се издаваат и во сабота и недела

×

Следете не