Ден

Маск отпушта 75% од вработените во фабриката во Невада

Американскиот производител на електрични автомобили „Тесла“ планира да го намали бројот на вработени во фабриката за батерии во Невада за околу 75 проценти, како резултат на пандемијата на коронавирус, соопшти регионален менаџер.

Овој потег уследи по најавата на нејзиниот јапонски партнер за производство на батерии, Панасоник, дека ќе ја намали работата во фабриката Невада оваа недела, пред да ја затвори на 14 дена, пренесува Ројтерс.

Фабриката произведува електрични мотори и батерии за популарниот автомобил Tesla Model 3.

„Тесла нè извести дека во следните неколку дена во Гигафабриката ќе го намали бројот на вработени во објектот за околу 75 проценти“, напиша Остин Озборн во објавата на веб-страницата на округот Стореј.

Не се дадени дополнителни детали, дури ни колку вработени работат во фабриката. Тесла не одговорил веднаш на барањето на Ројтерс за коментар.

Претходно, „Рено Газет журнал“ пишуваше за планираното исклучување на производството во фабриката во Невада, во кое се наведува дека Панасоник има таму околу 3.500 работници, додаде британската агенција.

„Тесла“ минатата недела објави дека привремено ќе го прекине производството во својата фабрика за возила во Сан Франциско од 23 март, како и во нејзината фабрика во Њујорк, каде се прават соларни панели.

Сепак, главниот извршен директор Елон Маск рече дека компанијата ќе го отвори њујоршкиот објект „што е можно поскоро за хуманитарни потреби“ за производство на респиратори за пациенти со коронавирус.

Можеби ќе ве интересира:

Прелистувачот на Гугл дава можност да не направите „seen“ на Месинџер

За „тенденциозноста“ околу 5Г мрежата – Фактите наспроти текстовите за кликови

Александар Тодески

Како се раширија лагите и дезинформациите за 5Г мрежата?

Александар Тодески
×

Следете не