Ден

Македонија со 1.836.713 жители, 51 лицe има над 100 години

Вкупното резидентно население во Македонија, на 5 септември 2021 година изнесуваше 1 836 713 жители – 50.4 % се жени, а 49.6 % се мажи, соопшти Државниот завод за статистика.

Според изјаснувањето за етничка припадност, 58.44 % проценти од населението се изјасниле како Македонци, 24.30 % проценти како Албанци, 3.86 % како Турци, 2.53 % како Роми, 0.47 % како Власи, 1.30 % како Срби и 0.87 % како Бошњаци и др.

Според религиската припадност 46.14 % се изјасниле како православни, 32.17 % како муслимани (ислам), 0.37 % како католици, а во овој Попис се појавија и други религиски заедници кои ги немаше во претходните пописи, а тоа се: евангелско протестантски христијани, агностици, будисти и други

61.38 % од попишаното население се изјасниле дека мајчин јазик им е македонскиот, 24.34 % албански мајчин јазик, 3.41 % турски, 1.73 % ромски, 0.17 %, влашки, 0.61 % српски и 0.85 % босански јазик.

Бројот на домаќинства изнесува 598 632, а просечниот број на членови на домаќинствата изнесува 3.06.

Вкупно 258 932 граѓани од Македонија, а кои живеат во странство се попишале, од кои 24.55 % се изјаснија како Македонци, 66.42 % како Албанци, 4.78 % како Турци и др. Оваа категорија граѓани не влегува во вкупното резидентно население на Македонија.

Според возрасната структура, најголем процент од населението 7 % – се во возрасната група од 40-44 години. Куриозитет е што во Македонија е попишанo 51 лицe на возраст над 100 години.

Државен завод за статистика

Поврзано

Кумановец криел 45 мигранти дома

Elena

Злоупотреба на субвенциите за земјоделство, најава на промена на моделот за субвенционирање

Elena

Нуредини: Посветени сме на деактивирање на електраните на јаглен

admin
WP2Social Auto Publish Powered By : XYZScripts.com