Ден

Над 120 килограми кокаин откриени на товарен брод во Франција

Нуркачите од Северноатлантската царинска крајбрежна стража пронашле повеќе од 124 килограми кокаин на пристаништето Ла Рошел, во потопена шуплина во трупот на товарен брод. За да ја извадат дрогата, во вредност од 7,5 милиони евра, им биле потребни три нуркања, јави дописникот на МИА од Париз.

Товарниот брод доаѓал од пристаништето Сантос, Бразил, да истовари каша од хартија во Ла Рошел. Штом товарот пристигнал во чекалната на трговското пристаниште, царинските службеници се качиле да ги извршат вообичаените проверки, испраќајќи тројца нуркачи да го испитаат трупот на бродот.

За време на нивната проверка, нуркачите ја осветлиле шуплината длабока дванаесет метри и забележале дека во неа има неколку „сјајни кеси“, соопшти царинската служба.

Потребни беа уште две нуркања за да се исфрлат на површина три вреќи полни со наркотици „спакувани со водоотпорен неопрен и пондерирани со дискови од леано железо“, прецизира царината. Запленети се вкупно 124,28 килограми кокаин во вредност од над 7,5 милиони евра.

Капетанот на бродот од кинеска националност бил ставен во царински притвор до пристигнувањето на бродот во пристаништето. Стоката и екипажот, составен од 23 морнари од кинеска националност, се предадени на судските полициски служби на Француската канцеларија за борба против наркотици (ОФАСТ).

„Банализирањето“ на оваа техника на криење на пратките на дрога под бродови во последните години ги загрижува француските разузнавачки служби, објави во април „Фигаро“. Во 2021 година, царинските служби заплениле 18,62 тони кокаин, што е зголемување за 105,5 проценти во однос на 2020 година.

Поврзано

Пуч против Путин – Поголема реалност од недела во недела

admin

„Меѓународен сојуз“: Боки 13 доби девет години затвор, Ременски ослободена

admin

Јавниот сектор почнаа штрајк – Бара покачување на платите

admin
WP2Social Auto Publish Powered By : XYZScripts.com