Ден

Во една општина утре ќе нема вода за пиење цели 14 часа

Утре во периодот од 8 до 22 часот, ќе има прекин во снабдувањето со вода за пиење во Општина Центар Жупа, поради планирани зафати на водоводот Росоки-Дебар.

Според Бурим Каба, директор на Јавното комунално претпријатие „Стандард”- Дебар кое стопанисува со водоводот, прекинот во водоснабдувањето е поради продолжување на проектот за замена на старите вентили, што почна со реализација во ноември минатата година.

– Утре ќе ги менуваме воздушните и испусните вентили на кракот кој се одвојува од Мелнички Мост кон Центар Жупа, поставени пред три и пол децении, кога е и изграден водоводот. Од корисниците бараме разбирање и трпение, зашто секој зафат е во правец на што понормално снабдување, рече Каба.

Проектот се реализира со средства од буџетот на Општина Дебар, а работите ги изведува фирмата „СмС холдинг” – Скопје, заедно со вработените на „Стандард”.

Поврзано

Во среда и четврток температури и до 40 степени

Elena

Борел: Една земја го блокира цел процес на проширување, не можеме да продолжиме

admin

Над 307 илјади станови во Македонија се ненаселени

admin
WP2Social Auto Publish Powered By : XYZScripts.com