Ден

Индексот на трошоците на живот скокнал за 12% за разлика од лани

За речиси 12 отсто скок на индексот на трошоците на животот во мај годинава наспроти мај минатата година, покажуваат податоците на Државниот завод за статистика. Индексот на цените на мало пак, е зголемен за 12.1%. Индексот во мај 2022 година изнесува 102, а индексот на цените на мало пак, 101.5.

„Пораст на индексите на трошоците на животот во мај 2022 година, во споредба со претходниот месец, е забележан кај маслото и маснотиите за 6.7 %, шеќерот, џемот, медот, чоколадата и кондиторските производи за 6.2 %, млекото за 5.4 %, лебот и житата за 3.7 %, кафето, чајот, какаото за 3.1 %, сирењето и урдата за 2.9 %, минералната вода, газираните пијалаци, соковите од овошје и зеленчук за 2.7 %, свежото и разладеното овошје за 2.6 %, месото за 2.5 %, рибата и морските плодови за 2.3 %, свежиот и разладениот зеленчук, освен компирите и другите коренести плодови за 1.6 %, прехранбените производи неспоменати на друго место за 1.1 %, пивото за 1.0 %, жестоките пијалаци за 0.5 % и виното за 0.3 %“, стои во соопштението на ДЗС.

Во пораст се и медицинските производи. Нивниот индекс бележи скок од 19%, а услугите за сместување за 7.5%.

Во мај, исто така, пораст на индексите на трошоците на животот е забележан и кај горивата и мазивата за сопствените превозни средства за 7.4 %, накитот, часовниците и рачните часовници за 7.0 %, течните горива за домаќинствата за 5.8 %, домашните услуги и услугите за домаќинствата за 5.7 %, туристичките аранжмани за 4.3 %, обувките за 3.3 %, поправките и изнајмувањето на обувките за 2.6 %, производите за домаќинствата – нетрајни за 2.5 %,  другите апарати и производи за лична хигиена за 2.2 %, чистењето, поправката и изнајмувањето облека, гасот за домаќинствата, фризерските салони и центрите за разубавување за 1.7 %, мебелот и покуќнината за 1.6 %, канцелариските материјали и материјалите за цртање за 1.5 %, велосипедите за 1.2 %, другата облека и додатоците за облека, моторните возила за 1.1 %, текстилот за домаќинствата за 1.0 %, материјалите за одржување и поправки на живеалиштето за 0.9 %, големите електрични апарати за домаќинствата за 0.8 %, терапевтските помагала и опрема, опремата за прием, снимање и репродукција на звук и слики за 0.7 %, стаклените садови, кујнскиот прибор и другата опрема, фармацевтските производи, медицинските услуги, медиумите за снимање, игрите , играчките и хобијата, услугите за рекреација и спорт, другите печатени материјали, рестораните, кафулињата и слично за 0.6 %, малите алатки и останатите додатоци за 0.5 %, ткаенините за изработка на облека, поправките на мебелот, покуќнината и покривките за подот, домашните миленици и сродните производи за 0.4 %, облеката, услугите за одржување и поправките на живеалиштето, стоматолошките услуги, одржувањето и поправките на сопствените превозни средства, информатичката опрема за обработка на податоците за 0.3 %, малите електрични апарати за домаќинствата, големите алатки и опремата, услугите за култура, другите лични предмети за 0.2 %“, соопштува Државниот завод за статистика.

Поврзано

Лозово ќе помогне финансиски само на семејство во чиј дом падна дрво, штета досега никој не пријавил

admin

Разбојник од Македонија уапсен во Германија

Elena

Скопјанец нападна вработен во старата Градска болница

Elena
WP2Social Auto Publish Powered By : XYZScripts.com