Ден

Зеленски: Спремивме „Книга на крвниците“, евидентирани се над 12.000 воени злосторства

Украинскиот претседател Володимир Зеленски изјави дека земјата ќе отвори „книга на крвниците“, што всушност претставува систем за собирање докази за воените злосторства за кои Киев тврди дека биле извршени за време на руската окупација.

Украинското обвинителство соопшти дека, откако Русија ја нападна Украина на 24 февруари, евидентирало повеќе од 12.000 воени злосторства, во кои се осомничени повеќе од 600 лица.

-Следната недела ќе биде објавена специјална публикација „Книга на крвниците“, систем што ќе собира податоци за воените злосторства и криминалците од руската армија, рече Зеленски во најновата видео порака.

Според неговата забелешка, оваа книга ќе биде клучниот елемент во неговото барање руските војници да се повикаат на одговорност за, како што велат, украинските убиства, силувања и грабежи.

-Тоа се конкретни факти за конкретни лица виновни за конкретни сурови злосторства против Украинците, рече Зеленски, споменувајќи го киевското предградие Буча, каде, според истражителите, беа пронајдени докази за масовни егзекуции.

Русија тврди дека во „специјалната воена операција во Украина“ направила се за да избегне пукање врз цивили.

Поврзано

Двајца гинеколози од Битола запоставиле родилка: Задоцниле со царскиот рез дури пет часа

Elena

Франција со засилен ангажман за кревање на ветото и старт на преговорите

admin

САД: Забраната за прелет на Лавров од Македонија, Црна Гора и Бугарија е почитување на обврските кон НАТО

admin
WP2Social Auto Publish Powered By : XYZScripts.com