Ден

Зеленски му испрати писмо на Пендаровски – еве што му порача

Претседателот на Украина Владимир Зеленски упати писмо до претседателот Стево Пендаровски, заблагодарувајќи му се на поддршката за суверенитетот и територијалниот интегритет на Украина и нејзината европска интеграција.

-Ваша Екселенцијо, Ве молам примете ја мојата благодарност за Вашето срдечно писмо од 17 мај 2022 година и покажаната солидарност со нашата држава, која одлучно се спротивставува на руската агресија.

Ја цениме цврстата и бескомпромисна позиција изразена од Скопје за поддршка на сувереноста и територијалниот интегритет на Украина. Благодарни сме што Република Северна Македонија целосно се приклучи кон санкциите воведени од страна на Европската Унија кон Русија како земја-агресор.

Мојата срдечна благодарност кон Вам лично господине претседател и кон народот на Северна Македонија за поддршката на стратегијата за европска интеграција на Украина и доделувањето кандидатски статус на нашата земја за пристапување во Европската Унија. Таква искрена позиција на претседателот на Северна Македонија, која веќе е земја-кандидат за членство во ЕУ, е од особено значење. Се надевам дека Северна Македонија ќе започне со пристапните преговори кон Европската Унија во најбрз можен рок.

Време е Европската Унија да донесе важни политички одлуки. Верувам дека Република Северна Македонија исто така ќе може успешно да напредува кон членството во ЕУ и еден ден нашите пријателски држави ќе се приклучат кон заедничкото европско семејство како полноправни членки на ЕУ“, се наведува во писмото на Зеленски кон Пендаровски.

Поврзано

Летонија ги забрани сите ТВ канали со седиште во Русија

admin

Алабаковски го запалил клубот „Ванчо Михајлов“ како реакција на распродавање на државни интереси, смета ВМРО-ДПМНЕ

admin

Аферата „Хонорарци“ за Рашковски и Зекири полека се спрема, бројот на вработени во Антикорупциска го диктира темпото

admin
WP2Social Auto Publish Powered By : XYZScripts.com