Ден

Во пакет со смрзнато пилешко најден кокаин наменет за трговец од Македонија

Албанската полиција синоќа, во пристанишниот град Драч запленила 45,5 килограми кокаин, чија крајна дестинација била Северна Македонија.

-Дрогата, пакувана во 40 пакетчиња, беше откриена, при детална контрола во контејнер натоварен во Бразил, со пилешко месо, на сметка на трговски субјект од Северна Македонија, стои во полициското соопштение.

Како што може да се види од фотографиите кои ги објави полицијата пакетчињата со кокаинот се завиткани со фотографии од анимираниот филм „Драгон бол”.

Надлежните почнаа со истражни дејствија со цел документирање на случајот, идентификација и откривање на лицата вмешани во ова кривично дело.

Кон крајот на минатиот месец, исто така во Драч полицијата заплени 59 килограми кокаин во бродот “Unistream” од Колумбија натоварен со јаглен.

Поврзано

МВР: Внимавајте! Мало невнимание може да предизвика пожар со тешки последици

admin

Летонија ги забрани сите ТВ канали со седиште во Русија

admin

Регулаторна ќе ги презентира блок тарифите за струјата

admin
WP2Social Auto Publish Powered By : XYZScripts.com