Ден

Совет на амбасадори: Владата да го сочува достоинството на нашите граѓани и да ги почитува и опстои на црвените линии

По повод францускиот предлог за одблокирање на пристапниот пат на Северна Македонија кон ЕУ, Советот на амбасадори смета дека членството во ЕУ нема алтернативи и е не само од стратешко значење за нашата држава туку и безбедносно прашање за целиот регион, реагира Советот на амбасадори.

„Во оваа насока, Советот ги поздравува напорите на Претседателот Макрон и на Канцеларот Шолц, како и на другите лидери и дипломати на ЕУ и САД, кои активно ја подржуваат интеграцијата на Северна Македонија во ЕУ. Во отсуство на јавна објава на интегралниот текст на Францускиот предлог, кој ја бранува македонската јавност и создава бројни негативни реакции кои го јакнат евроскептицизмот и национализмот во државата, Совет на Амбасадори смета дека треба најнапред да се добие целиот текст, внимателно да се анализира, а потоа да се заземат соодветни позиции кои ќе ги одразуваат долгорочните национални интереси на државата и нејзините граѓани“, стои во соопштението.

Советот на Амбасадори смета дека преговарачката рамка претставува мултилатерален документ, чија намена е да послужи како водилка за темелно реформирање и пристапување на државата- кандидат кон Европската Унија.

„Отттука, Советот изразува надеж дека земјите-членки на ЕУ ќе усвојат рамка која ќе го отсликува мултилатералниот карактер на документот, а Бугарија ќе биде на ниво на пријателска држава во чиј национален интерес е соседната држава Северна Македонија да стане полноправна членка на ЕУ. Советот смета дека утврдувањето на „Преговарачката рамка“ и управувањето со механизамите за нејзино спроведување треба да биде реализирано од Брисел, а не Софија. На тој начин ќе се намали можноста за „зачестени блокади“ на пристапниот процес, од што најмногу стравуваат граѓаните на нашата држава“, велат од Советот.

Од таму велат дека се надеваат и очекуваат ЕУ да има доволно чувство за реална проценка на политичката состојба во Македонија и да не го условува почетокот на преговорите со донесувањето на уставните промени, туку таквиот процес да биде поместен за кога тоа ќе го дозволат политичките и општествените услови.

„Совет на Амбасадори уште еднаш подвлекува дека сегашниот консенсуален начин на донесување на одлуки ги блокира процесите на одлучување во Унијата, и неодамнешната констатација на Канцеларот Олаф Шолц дека „ЕУ треба да ги модернизира структурите и процесите за носење одлуки„ го смета за вистински исчекор кон нејзино реформирање. Совет на Амбасадори апелира до Владата да го сочува достоинството на нашите граѓани и да ги почитува и опстои на црвените линии за зачувување на идентитетот и интегритетот на Република Северна Македонија“, соопштуваат од Советот на амбасадори.

Поврзано

Поддршка на социјалните претпријатија преку следење на принципот- “Не оставај никој зад себе”

admin

Генчовска поднесува оставка од функцијата

Elena

Рама: Бугарија киднапира две земји, 26 други држави седат мирно

admin
WP2Social Auto Publish Powered By : XYZScripts.com