Ден

Бугарскиот Парламент го крена ветото – на потег се министрите

Со 170 гласови за, Парламентот на Бугарија го тргна ветото врз пристапните преговори на С. Македонија за членство во ЕУ.

Усвоениот документ што го предложи лидерот на Демократска Бугарија Христо Иванов, и дава зелено светло на Владата во оставка на Кирил Петков да ги одобри преговарачка рамка и заклучоците предложени од француското претседателство со Советот на ЕУ за решавање на сложените односи меѓу Бугарија и Северна Македонија, ако се исполнети неколку услови. – Ефикасно имплементирање на Договорот за добрососедство, гаранција за правата на Бугарите во Република Северна Македонија преку нивното вметнување во Уставот, ништо во пристапниот процес на РСМ да не биде протолкувано како признавање на македонскиот јазик од страна на Бугарија, и гаранции од ЕУ дека сето ова ќе биде исполнето, се условите што ги поставува Софија. Ова решение го подржаа пратениците од „Промената продолжува“, ГЕРБ-СДС, ДПС и „Демократска Бугарија“ (ДБ). „Има таков народ“ (ИТН) и „Преродба“ се против, а од „БСП за Бугарија“ воздржани.

Веднаш штом Парламентот ја донесе одлуката, наведува Новините, Тошко Јорданов од „Има таков народ“, кој е и собраниски спикер, ја прочита позицијата на партијата, според која Пеевски, Борисов, Петков и Иванов „го зае**ле своето достоинство и националната свест“.

Ова е прв чекор во давање зелено светло за отстранување на ветото и започнување на пристапни преговори меѓу Македонија и ЕУ.

Ако оваа одлука биде прифатена од Советот на министри, Брисел ќе биде писмено известен.

Поврзано

Премиерот Ковачевски се поклони и положи цвеќе пред спомен плочата на Светите Кирил и Методиј во Санта Марија Маџоре во Рим

admin

Села бара да се збришат казината и обложувалниците: Игри на среќа само во хотели со 5 ѕвезди!

admin

Ковачевски на средба со европските социјалдемократи зборувал за ситуацијата во Украина

admin
WP2Social Auto Publish Powered By : XYZScripts.com