Ден

Sony откри дел од спецификациите на PlayStation 5

Официјалната премиера на конзолата се очекува да се одржи во последните недели од годината. Повеќето аналитичари очекуваат Sony PS5 да биде откриен во ноември и да биде лансиран во сезоната на празници до крајот на 2020 година. Се разбира, светската епидемија на коронавирус може да ги промени плановите на компанијата, што важи и за Xbox Series X.

Компанијата одржа специјална презентација со која се потврдува дека уредот ќе користи изменет AMD процесор. Овој чип ќе користи осум јадра базирани на архитектурата Zen 2, што работи на 3,5GHz. Конзолата ќе има вкупно 36 компјутерски единици со фреквенција од 2.23GHz, што ќе гарантира максимална изведба од 10,28 терафлопи, пренесува CNet. Други карактеристики вклучуваат 16GB GDDR6/256-bit RAM модул, како и SSD погон кој нуди капацитет од 825 GB.

Sony PS5 ќе има и The Tempest Engine хардвер кој ќе гарантира 3Д-аудио квалитет. Новите компоненти во уредот ќе овозможат конзолата да вчита 2 GB информации за 0,27 секунди, наспроти 20 секунди на PS4. Компанијата, исто така, ги тестира 100-те најпопуларни игри на PlayStation 4 и ќе ни овозможи да gi играме „скоро сите“ наслови на PS5. Целосниот список ќе биде објавен веднаш по официјалната премиера на конзолата во последниот квартал од 2020 година.

Можеби ќе ве интересира:

Турнир во „Дота 2“ за да се подигне свеста за коронавирусот

Маск отпушта 75% од вработените во фабриката во Невада

Stefanija Kuzmanovska

Хуавеи донира два милиони заштитни маски на здравствените работници во Европа

×

Следете не